FILEMON
TEMA
‘n Persoonlike brief aan Filemon. Filemon se slaaf Onesimus het van hom weggeloop en by Paulus, toe nog ‘n gevangene uitgekom. Deur Paulus se toedoen het Onesimus ‘n Christen geword en nou stuur Paulus vir Onesimus terug na Filemon. Hy skrif aan Filemon om hom terug te ontvang nie net as slaaf, maar ook as broer in Christus.
v 1-3 Aanhef
Dit is die enigste keer dat Paulus homself identifiseer as “’n gevangene ter wille van Christus Jesus”. Miskien om sy status te verlaag en hom voor Filemon met Onesimus te vereenselwig.
v 4-7 Filemon se liefde en geloof
Paulus noem dat hy gereeld vir Filemon bid, en God dank vir Filemon se liefde en dat hy die gelowiges se harte verkwik. Hy bid dat Filemon ‘n beter begrip sal hê van wat ware gemeenskap beteken, en dit sluit sy verhouding met Onesimus in.
v 8-22 Paulus pleit vir Onesimus
Paulus pleit nou by Filemon om Onesimus terug te ontvang. Al kan Paulus sy gesag as apostel gebruik het, doen hy liewer ‘n persoonlike beroep uit liefde. Onesimus het ‘n Christen geword by Paulus in die gevangenis en Paulus noem hom sy “kind”. Die naam “Onesimus” beteken “nutteloos” maar Paulus noem hom nou bruikbaar vir homself, sowel as vir Filemon.
Filemon het ander mense se harte bly gemaak nou pleit Paulus dat hy sy “hart” wat hy saam met Onesimus stuur moet bly maak. Paulus plaas op ‘n manier Filemon en Onesimus gelyk as broers in die Here, en vra dat Filemon hom nie uit dwang sal terug ontvang nie, maar uit vrye keuse. Hy sê dat Onesimus vir hom van nou af net bruikbaar sal wees en as daar enige uitstaande skuld is sal Paulus dit self betaal. Paulus hoop dat Filemon hierdie guns in die Here aan hom sal bewys en hy vra dat Filemon sy hart in Christus bly sal maak. Hy sluit af deur te sê dat Filemon sommer solank vir hom ook ‘n kamer gereed sal hou, want hy hoop dat God hom binnekort aan hulle sal teruggee.
v 23-25 Groete en heilwense
Filemon het ander mense se harte bly gemaak, nou pleit Paulus dat hy sy “hart” wat hy saam met Onesimus stuur moet bly maak. Paulus plaas op ‘n manier Filemon en Onesimus gelyk as broers in die Here, en vra dat Filemon hom nie uit dwang sal terug ontvang nie, maar uit vrye keuse. Hy sê dat Onesimus vir hom van nou af net bruikbaar sal wees en as daar enige uitstaande skuld is sal Paulus dit self betaal. Paulus hoop dat Filemon hierdie guns in die Here aan hom sal bewys en hy vra dat Filemon sy hart in Christus bly sal maak. Hy sluit af deur te sê dat Filemon sommer solank vir hom ook ‘n kamer gereed sal hou, want hy hoop dat God hom binnekort aan hulle sal teruggee.
v 23-25 Groete en heilwense
Paulus stuur groete van sy medegevangene en medewerkers en hy sluit af deur die seën van genade van die here Jesus Christus uit te spreek.